Aizawl: Tun hnai kum nga chhungin police thi mi 700 dawn an awm a, an thih chhan tam ber chu cancer leh thinro a ni.
Thawhlehnia Assembly Session zawhna leh chhanna hunah member-te zawh belhna chhangin Home Minister K Sapdanga chuan kum 2021-ah police thi 134 an awm a, kum 2022-ah 145, kum 2023-ah 123, kum 2024-ah 146 leh kum 2025-ah mi 124 thi an awm a, heng kum nga chhunga thi zawng zawng chu 672 niin, cancer leh thinro an tam ber.
Home minister chuan police thi tam lutuk chu a tihziaawm dan kawng zawn a nih thu sawiin, fitness lamah te tan lak a ni a, hei hian a tiziaawm viau ni a hriat a nih thu a sawi. Natna hi medical lam thil a ni a, medical lam te nen inrawn zelin theihtawp chhuah mek zel a nih thu a sawi bawk.