Aizawl: Commerce, Industries, Geology & Mining department minister F Rodingliana’n nimin khan Chapchar Kût 2026 lawmna puala buatsaih Handloom, Textiles & Handicrafts Exhibition & Food Processing and Food Court, Lammual Tlanga buatsaih a hawng.
He exhibition hi ni nga chhung (March ni 9-13, 2026) neih tur a ni a, exhibition chhung hian Handloom & Textiles stall 68, Handicrafts stall 15, Food Processing stall 12 leh Food Court stall 35 a awm ang.
Heng bakah hian PM Viswakarma scheme hnuaia thil siam chhuah pho nan stall pakhat leh Shakti Sadan tan stall pakhat pek a ni bawk.
Handloom Exhibition bik atan hian Development Commissioner (Handloom), Ministry of Textiles, Govt. of India a\angin Handloom Marketing Assistance hnuaiah sum hmuh niin, Food Processing ho tan erawh MFME hnuaiah stall sak sak an ni.
Chief minister chairman-na hnuaia din Chapchar Kût 2026 Organising Committee chuan kumin Chapchar Kut lawmna atan Commerce, Industries, Geology & Mining Department chu he exhibition hi buatsaih turin a ti a ni.
Nikum Chapachar Kut Handloom Exhibition-ah khan Rs nuai 128 lai hralh chhuah a ni a, kumin hian hei aia tam hi hralh chhuah ngei beisei a ni.