Glee kha kan la hria em aw…khata a changtunu ber Lea Michele leh a pasal Zandy Reich te chuan March 9, Thawhtanni khan an inneih kum 7-na an lawm a, thlalak hrang hrang an tarlang.
Kum 39 mi actress-singer hian a pasal chu duhsakna hlanin, a instagram lamah 7 leh love sticker a dah a, mumang ang mai a la nih reng thu a sawi.
Glee star Michele hian a chhungte leh thiante hmaa an innei thei chu mak leh lawmawm a la tih reng thu sawiin, damchhung hun hmang dun tura thu an tiam kha a tana rimawi mawi ber a la ni reng niin a sawi bawk.
Michele leh Reich te hian fa pahnih, fapa Ever, August 2020 a piang leh fanu Emery, August 2024 a piang an nei tawh a, March 9, 2019 kha Northern California-ah an innei a ni.