Jessica Alba leh a ngaihzawng Danny Ramirez te chuan Mexico lamah hun hmang mekin, kartawp khan an thlalak hrang hrang an rawn phochhuak.
Kum 33 mi Ramirez leh kum 44 mi Alba te hi kum 2025 nipui laia intawng kha niin, an inzui nghet chho tial tial a, vantlang hmaah hmuh dun tur tam lo viau mah se, Mexico lama an hun hmanna hrang hrangte chu an rawn phochhuak nasa ta hle.
Ramirez hian a Intagram post pakhatah chuan an pahniha thlalak dunnaah ‘Mexico magic’ tia dahin, hei hi Alba chuan love reaction hmangin a lo comment a, an inkar a nghet zui viau tawh niin a lang.
An pahnih hian July 2025 atanga inkawp tan nia sawi an ni a, Alba hi a pasal hlui Cash Warren nen February 2025 khan an inthenna lehkha tifelin, kum 16 chhung zet an innei hman a, a lunglen hlimchhawn laia intawng an ni bawk a, an inkar a nghet chho ta viau nia sawi an ni bawk.
Jessica Alba leh Cash Warren te hian fa pathum – Honor Marie,17; Haven Garner,14 leh fapa Hayes Alba,8 te an nei hman a ni.