Aizawl: LPG kaihhnawih avanga vanduaina thleng palh thulhah endikna paltlangte chauhin zangnadawmna an dawng thei.
FCS&CA Department-in thuchhuah an siam danin, LPG Manual, 2021, Section 5.3 in a phut angin Oil Marketing Company (OMC) leh Indian Oil Corporation Limited (IOCL) te inkaihhruaina angin LPG consumer te him tlan zawk nan a khat tawkin LPG endikna neih thin a nih thu an tar lang.
Hetianga endikna neihin a tum ber chu mipuite himna a ni a, LPG dahna hmun leh hman dan te a him tawk em tih te endik a ni thin a. LPG kaihhnawih avanga vanduaina a lo thlen palh changin hetianga endikna paltlang te chauh hian zangnadawmna an dawng thei tih an sawi.
OMC te dan siam angin endikna atana service charge chu Rs.200 bakah 18% GST niin, a belhkhawmin Rs.236 a ni. Hei hi OMC leh IOCL te chan tur a ni a, state sorkarin chan tur a nei lo.
He endikna hi April 2026 chhungin chhunzawm leh tum a ni a, LPG hmangtu zawng zawngte an him tlan nan a endiktute hi tha taka lo thawhpui tura an ngen.