Cameron Diaz pawh New York City lamah a movie thar changin hun a hmang mek a, a scene hrang hrang shooting tilai hmuh a ni.
Zirtawpni khan kum 53 mi hi Stephen Merchant-a direct film thar tur atana a shoot lai hmuh a ni a, New York-ah hian scene engemawzat an chang a, amah pawh a phur hmel hle niin an sawi.
January thla khan Diaz leh kum 51 mi Merchant te hian film tura an thawhdun thu an lo sawi tawh a, hei hi hun rei fe lemchan a lo chawlhsan tawh hnua Diaz-i rawn kir lehna tur zinga pakhat a ni.
Nikum January thla khan Netflix lamah kum sawm chuang zet a chawlh hnua lemchan lama a inlan lehna hmasa ber movie chu tihchhuah a lo ni tawh a, tun hi a bul rawn tan lehna tur a ni bawk.
Diaz hian kum 2014 a Miss Hannigan nia lemchan lama a inlan hnuah a chawlhsan rih vang vang a, nikum khan rawn inlan thar lehin, tuna shooting an neih lai mek bakah hian June 30, 2027 a tihchhuah tur dang a nei bawk.
A pasal Benji Madden nen fa pahnih, fanu Raddix leh fapa Cardinal te neiin, chhungkaw duhawm tak an din chho mek a ni.