Aizawl: Central YMA President R Lalngheta chuan raltlan zingah fel lo deuh leh tha lo deuha awmte chu a tul chuan an hau zel dawn tih a sawi.
Central YMA chuan kumin Chapchar Kut hmang tura an sawm, ram pawn atanga Zofa unau rawn kalte pualin Zirtawpni zan khan Tuikhuahtlanga Central YMA Hall-ah Chapchar Kut an hmang. He hunah thu sawiin Central YMA President R. Lalngheta chuan, YMA hian Zofa hnam hrang hrangte hi tumah an en hrang lo va, unau vek an nih avangin inpumkhat tlat tur leh tangho tlat turin a sawm a. “Raltlan zingah fel lo deuh leh tha lo deuh an awm a, a tul chuan kan hau zel ang. A felte erawh inthlahrun tur a ni lo,” a ti.
Chapchar Kut an hmannaah hian hmannaah ram pawn atanga rawn kal zingah, Mizo Society of America (MSA), Mizo Society of Australia ( MSA), Myanmar Mizo Organization (MMO – USA), China Community of Indianna ( CCI- USA) leh Central Mizo |halai Pawl, Burma ten thu an sawi.
He hunah hian Mizo Society of America, Mizo Society of Australia, Myanmar Mizo Organization USA, Chin Community of Indianna USA te, Burma-a Mizo pawl hrang hrang – Central Mizo |halai Pawl, Burma; Varpui Youth Association; Letpanchaung Youth Association; Mizo Welfare Organization; Segyi Youth Association; Tahan Mizo |halai Pawl; Tuingo Youth Association; Varpui Youth Association te; Tripura atangin Hrangkhawl Youth Association leh Rengzo Joint YMA bakah Tripura Group YMA leh Manipur Group YMA te an tel bawk.
Central YMA Assistant Secretary SF David Ngursangzuala kaihhruainain heng pawl hrang hrangte hi Central YMA hminga ngaihhruina hlan a ni a, T. Sangkunga, Ex- President, Central YMA in a hlan.