Aizawl: Home Minister K Sapdanga’n Inrinni khan Zorinpui a tlawh a. Lawngtlai chu chhim kawtchhuah a ni dawn tih a sawi a. Hmasawnnain a chhe zawnga Zoram mipuite a nghawng a hlauhawm avangin tun atanga lo inralrin leh a tha zawnga hman dan tur lo inbuatsaih chu hna hmasaa neih a tul tih a sawi.
K. Sapdanga chuan Kaladan Multi Modal Transit Transport Project (KMMTTP) hawn a nih hunah Mizoramin kawng hrang hrangin hmasawnna rahbi thar a kai dawn tih a sawi a. He kawngpui zawh fel a nih chuan sumdawnna lian zawk kalpui niin, Lawngtlai bakah Mizoram hmun hrang hranga chengte tan hamthatna tam tak a thlen dawn a, chhungkaw tam tak tan eizawnna tha tak a siam dawn tih a sawi.
Hmasawnna hian a chhe zawnga Zoram mipuite a nghawng a hlauhawm tih sawiin home minister chuan, “Tun atanga theihtawpa lo in ralrin leh a tha zawnga hman dan tura lo inbuatsaih chu hna hmasa a neih a tul,” a ti.