Aizawl: Chief Minister Lalduhoma’n Zokhawsanga Assam Rifles ram chu kum 99 chhung atan Land Lease anga kalpui a nih thu House a hrilh.
Thawhtannia Assembly Budget Session-ah Thorang bualtu MLA R. Rohmingliana zawhna chhangin Chief Minster Lalduhoma chuan, Zokhawsanga Assam Rifles chu tum hnih lei a nih thu sawiin, kum 1988-ah Rs 92,50,196 a lei a nih thu leh kum 2012-ah Rs 1,63,83,176-a lei a nih thu a sawi a. Land lease in kum 99 chhung pek a nih thu a sawi.
GAD changtu ni bawk chief minister Lalduhoma chuan Land lease a pek a nih avangin thil dangah an hmang thiang lo tih sawiin, an pek chhan anga hman a nih loh chuan sorkarin a nei let leh thei tih a sawi bawk.
Zokhawsang Assam Rifles ram thenawm ten harsatna an tawh leh tawh loh chungchangah Chief Minister chuan a bulhnaia mipui ten feh kawng chungchanga an buaina chu Assam Rifles te nen inbe remin an kal mek tih a sawi. Inremna an ziah chu a lehlam pawl chauh duh dan ni bik lo, pawl pahnih te duh anga ziah a ni tih a sawi.