Spanish club lian, Barcelona president inthlanah Joan Laporta a tling nawn a, kum nga chhung president a ni leh dawn.
Pathianni khan an inthlang a, Laporta hian 68% vote a hmu a, a khingpui, Victor Font chuan 30% a hmu thung a. Vote dang zawng hi Toni Freixa hmuh leh vote thi a ni.
Kum 63 mi, Laporta chuan, “He club hi club ropui tak a ni a, member-ten club president leh board an thlanna hmun a ni a, club danglam bik a ni. Kan hmaah hian kum duhawm takin min hmuak a, club-in a hun tawn tawha hlimawm leh ropui ber a tawng dawn a ni,” a ti a, a phur hle.
Barca president chuan first team chu a tha thei ang bera thuam chaka Nou Camp siam that chu zawh fel a tum a, a term thara official leh fan-te chuan Barca chu thil engkim lakah an hum zel dawn niin a sawi.
Inthlan laiin Laporta sawiselna a awm zeuh zeuh a, a duh lotu zingah club legend Xavi pawh a tel.