Aizawl: Aizawl East II Bialtu MLA B.Lalchhanzova chuan Thawhlehni chhun khan a pisaah a bial chhunga thalai, tun hnaia hlawhtlinna hmu tharte chawimawina leh lawmpuina hun a hmanpui.
Supply Minister B.Lalchhanzova chuan thu sawiin, thalaite chu ram leh hnam hmabak te an ni a, ramin hma a sawn dawn chuan thalai te an fel a ngai a, thalai te pangchang lo tura chahin rilru huaisen tak pu se a duh thu a sawi.
Bialtu MLA chuan heng hlawhtlinna an chan atanga mi te tanpuina rilru pu tur leh theihtawp a midang tana malsawmna ni tura luangchhuak turin a chah a, midang te tana luangchhuak te nunah hian malsawmna a tam thin tih a sawi.
Lawmpuina hi Chawngthu Lalrinhlua, MCS; Lalremsiami, MIS; Jonathan Zomuanpuia 7th UMAI National Muaythai Championship, 2026-ah gold medalist, Mercy Lalramhmachhuani, Zothansangi leh Hmangaihsangi Under 23 One day Plate Group Champion team a tel te leh H. Malsawmdawngfamkima, Mizoram Cricket Academy a coach te an ni.
He hunah hian MLA chuan a bial chhunga thalai hna zawng mek te Staff Selection Commission (SSC) exam inbuatsaihna kawnga an inbuatsaihna pui tu atan Chase Academy, Vaivakawn nen thuthlung an ziak bawk a ni.