Kim Kardashian leh Lewis Hamilton te chu an inhmangaihna a parvul chho mek niin khawthlang lam media te chuan an sawi.
Hemi tifiah lehzual tur hian thawhtanni khan The Kardashians star, kum 45 mi hian 2026 Vanity Fair Oscars party-a a thlalak chu a instagram-ah tarlangin, F1 driver hian love sticker reaction a lo pe a ni.
An pahnih hian hmun hrang hrangah hmuh dun an ni zeuh zeuh a, social media lamah lah an thlalak post background inang tak tak a lo awm veleh zeuh zeuh thin nen, media te umzui an ni dun mek a ni.
An inkar hi February thlatir lam atang khan a ri tan a, Paris khawpuia hotel pakhatah hmuh dun an ni a, chumi hnu reiloteah chuan Super Bowl LX-ah inhaw lo taka an en dun lai hmuh leh an nih avangin sawizui an ni nasa zui hle.
An pahnih hian kawppui nei lova an awm lai ve ve a nih avangin an chanchin hian titi a siam nasa hle a, anni pahnih erawh chuan an chungchang hi engmah an la sawi chiang duh lo a, vantlang hmuha inlan dun zeuh zeuh erawh an nei chho tan zel thung.