Aizawl: Kolasib Deputy Commissioner Robert C. Lalhmangaiha (48), MCS chu nimin chawhnu dar 2 pelh khan Civil Hospital, Aizawl-ah zunthlum leh thisen sang avangin a thi.
Thudawn danin Robert C. Lalhmangaiha hi hun rei tak atanga zunthlum leh thisen sang vangin a buai tawh a, insulin hmang reng niin a natna vanga buai zeuh zeuh pawh a nei thin a. Tun hnaiah pawh pisa pawh a kal meuh lo a, hna pawh a quarters-ah a thawk mai thin a, Thawhlehni khan a chauh deuh avangin Aizawlaa phurh a ni.
Robert-a hi a thisen sang leh zunthlum hi control hleih theih a nih loh avangin nimin dar 2 pelh hret khan a thi a, a ruang hi nizan khan an veng Chawnpui, Aizawl-ah lumen a ni a. Vawiin hian vui a ni ang.
Robert C. Lalhmangaiha hi Chawnpui Veng Kohhran Upa a ni.