Aizawl: Mizoram Art Development Society chuan an member Lalhming Mawii’n tun hnaia ‘Women’s Award’ a dawng chu an lawmpui.
Lalhming Mawii, Chaltlang, Aizawl chuan ‘Women’s Award’ a dawng a. He award hi March 18, 2026, International Women day lawmna, Women & Child Development, Social Welfare Department buatsaihah hlan a ni.
‘Women’s Award’ hi kawng hrang hranga Mizo hmeichhe chhuanawm, mi 40 hnenah hlan an ni.
Mizoram Art Development Society chuan he Award dawngtu, an member Amoii’n a dawng chu an chhuan thu leh an lawmpui thu an sawi a ni.
Amoii hian lemziah lama hlawhtlinna ropui tak a chan avangin, Chief Minister Chawimawina Nopui, Chapchar Kut-2026 Organising Committee atangin a lo dawng tawh a, NE Ambassador, International Association of Art (IAA)- India, UNESCO Official Partner hnuaia ni lai mek a ni bawk.
Amoii hi Mizo zingah Art lama thawh hlawk tak a ni a, Art Novelty Gallery, Chaltlang dintu niin Art zirna a kalpui mek a, National leh International huapin Art workshop leh Exhibition-ah te vawi tam tak tel tawhin, lemziak chawimawina chi hrang hrang a lo dawng tawh a ni.