Union Biblical Seminary Yangoon & I-Hope University, USA ten zaithiam Sawmtea Chhangte chu zai rimawi hmanga Zofate awmna khawvel hmun hrang hrangah, Zo hnahthlak tawng hrang hrang hmanga rawng a bawlna leh Zofate inpumkhatna/inunauna atana rimawi hmanga theihtawpa ke a pen na avangin ‘Doctor of Music’ degree an hlan. He chawimawina hi Bangkok khawpuiah hlan a ni.
Sawmtea hi theihtawpa Pathian faka zai rawngbawlna nei thin a ni a, hemi bakah hian Zofate inpumkhatna atan zai rimawi hmangin nasa takin ke a pen a, Mizoram mai bakah ram hrang hranga Zofate awmnaah rawngbawlna leh inunauna atan a theihtawpin ke a pen nasa hle.
Sawmtea chuan, “He degree hi ka phu lo ka ti a, ka inthlahrung em em bawk, engmah ka ni lo va, hetiang chawimawina ropui dawng tur phei chuan ka tlin lohzia ka hria. Mahse, Pathian hian min khawngaih em a, amah faka theihtawpa ka zai leh hnam inpumkhatna atana ke ka pen ve chhun te mal min sawm a ni tih ka hria a, phu lo inti chungin, lawm takin ka dawng ta a ni,” tiin Thalai Times a hrilh.