Tlawmgai pawl Senior Club Mizoram chuan Inrinni khan Lianchhiari Run-ah an pawl inkhawmpui lian High Council vawi 4-na an hmang a, P.C. Lawmkunga’n khuallian niin a hmanpui.
Khuallian PC Lawmkunga chuan kum upa te chu an dikna leh chanvo te hre thar a, chhungkuaa inthlahrung lo tur leh an mamawh zawng te chu an ei chak leh duhzawng leina atana inseng hreh lo tur leh an kum chawhnu lam chu thlamuang taka hmang turin a chah.
Senior Club Mizoram hi September ni 4, 2021 khan din a ni a. Kum upate hlimna siamsak chu an tum ber niin, The Salvation Army enkawl New Serchhipa Old Age Home leh Mizoram sorkar enkawl, Ainawn venga Old Age Home tan an lo luangchhuak tawh a. Tunah hian V. Thanga In, Dawrpuiah headquarters an nei a, Mizoram pumah member 156 an awm mek.