Mizo Writers Association (MWA) chuan kum tina an tih thin anga kum 2025 chhunga Mizo tawnga lehkhabu lehlin tha ber atan H. Ngurthansanga lehlin, ‘Second Chance: Israel Narvaez’ tih an thlang.
‘Second Chance: Israel Narvaez’ hi Darla Milne-i ziah a ni a. Mau Mau Gang hotupa, Israel Narvaez-a chanchin a ni a, a nuna Isua a tawn theih nana hun vawi hnih a neih dan tar lan a nih bâkah Kristiante tana ngaihdamna, piantharna leh rinna thiltihtheihna sawi fiahna lehkhabu a ni bawk.