MNF Sr. Vice President Dr R Lalthangliana, MLA chuan Aizawla hmun pawimawh zawng zawng chu MNF kutchhuak deuh vek tih a sawi.
Inrinnia Durtlang (Ward I), Bawngkawn (Ward II) leh Bungkawn (Ward XV)-ah a tlawhnaah Dr R Lalthangliana chuan khawpui hmasawnna atana municipality nih pawimawhzia hriaiin AMC hi MNF in an din a. Aizawla hmun pawimawh tak tak – Millennium Centre, Ch Chhunga Bus Terminal leh Ch Saprawnga Truck Terminal hi an din tih a sawi a. Chaltlang leh Durtlang kawng tihzauhte hi MNF-in an thawk tih a sawi.
MNF hian Aizawl hmasawnna tur hi a vei thin hle tih sawiin Mamit bialtu MLA chuan, “Hna pawh a thawk nasa tawh hle. Tun inthlanah pawh hian Aizawl tana hnathawk thei turin mipui hian AMC dintu MNF official candidate-te thlang tling se kan duh hle,” tiin inthlan an hmachhawn turah Aizawl tana hnathawk thei turin mipuiten an thlan theih nan MNF candidate-te vote vek turin mipui a sawm.
Dr Thangtea chuan sawhthing hralh chungchangah lo neitute an mang a ang mek tih sawiin, “Sorkar hian kuthnathawktute thar zaa 25 pawh an lei rih lo a, an mangang tak zet,” tiin, kuthnathawktuten an thawh rah hi a rang thei ang berin seng ngei se MNF chuan an duh tak zet tih a sawi bawk.