Aizawl: Khelo India neih zawh taka wrestling-a bronze medalist Lalhmangaihsangi, Dilkhan khua chu nimin khan Assembly Speaker Lalbiakzama, Chalfilh bialtu MLA ni bawk chuan a office chamber-ah thingpui a inpui.
Hmangaihsangi hi March 28-31, 2026 chhunga Ambikapur, Chattisgarh-a ‘Khelo India Tribal Games’ neih zawh takah khan Mizoram aiawhin 76kg hnuai lam huangah khelin, bronze medal a la a ni.
Assembly Speaker Lalbiakzama chuan hetiang ang mi talent nei tha a bial chhunga mi an awm chu a chhuanzia lantir nan a office-a lengah sawmin, lawmpuina thu ziak a hlan bakah thingpui a inpui a. National level-a Zo chhul chhuakte an lang hi a ropui takzet a, mi dangte tan entawn tlaka nun fimkhura nasa lehzuala tan la zel turin a fuih.
Mizoram Wrestling Association President Ngurthansanga, Joint Secretary & Team Manager Hmangaihhlima, Financial Secretary F.Lalmalsawma ten Lalhmangaihsangi hi an tawiawm a ni.