Aizawl: Indona thleng mek avanga eirawngbawlna (LPG) leh tuialhthei (POL)-a harsatna thleng thei lakah Mizoram sorkar chuan ngawrh takin hma a la reng a. Tun dinhmunah LPG leh POL a thleng tha a, mipui tan chiaina tur a awm lo tih an sawi.
April 7, 2026 thleng khan Mizorama LPG Distributor hrang hrangah chhungkaw tin hman thin ei rawngbawlna, domestic (14.2Kg) bur 13,801 a awm a, kawng laka thang mek bur 25,608 nen a vaiin bur 39,409 awm ang a ni a. Sumdawngte hman tur ei rawngbawlna gas, commercial (19Kg) chu distributor-ten bur 512 an kawl bakah kawng laka thang mek 312 awmin, avaiin bur 824 a awm.
Petrol bikah filling station-ah kilolitre 1,289.80 awmin, kawng laka thang mek 373 kilolitre nen a vaiin kilolitre 1,662.80 awm ang a ni a. Diesel chu filling station-a kilolitre 1,492.00 awmsa bakah kawng laka thang mek kilolitre 435 nen a vaiin kilolitre 1,927.00 awm ang a ni.