Aizawl: Home Minister K Sapdanga hovin nimin khan a pisa-ah HPC-D (LF) ‘Lalhmingthang’s Faction’-te rawn haw dan tur ngaihtuahho a ni.
He hunah hian DGP, Home Secretary bakah PHQ, GAD, Law & Judicial, Finance, DIPR, Aizawl bawrhsap bakah Home department leh PHQ hotute bakah Sakawrdai SDO (Civil) an tel a. HPC-D (LF) te’n silai an tun dan tur leh hemi in a kaihhnawih ruahmanna chi hrang hrang an sawiho a ni.
Ruahman lawk dan chuan April 14, 2026 hian Sakawrdaiah Mizoram sorkar leh HPC-D (LF) te hian inremna thuthlung ‘Memorandum of Settlement’ an ziak ang a, a tuk April 15, 2026-ah Mizoram sorkarin an awm lailawkna tur a ruahmanah an insawn ang. April 30, 2026-ah CTI-Sesawngah silai tungin an ralthuamte an surrender bawk ang.