Aizawl: Lok Sabha Member Richard Vanlalhmangaiha chuan MP fund atanga lei, Mahindra Pick-up pakhat ve ve chu Upper Republic leh Republic Vengthlang YMA hnenah Inrinni khan a hlan.
A hlanna inkhawmah Richard Vanlalhmangaiha chuan, Republic Veng pahnihte hnena motor pe thei dinhmuna a ding chu a lawm hle a, he thilpek hi MP Local Area Development Scheme atanga an inpek a ni a, he scheme hi mipui sum a ni a, mipui tana tangkai taka hman tur a nih avangin khawtlang tan a huam zau thei ang bera hman a beisei tih a sawi a, khawtlang chhiat tawh chungchangah pawh hmun dangah thlanmual nei an ni tih sawiin, ruang phurh nan mai bakah khawtlang mipuiten mamawh tinrenga tangkai taka hman a nih theih nan duhsakna a hlan.
He hunah hian Aizawl South I bialtu MLA C. Lalsawivunga pawhin, Lok Sabha member-in an khawtlang duhsak tak maia motor pahnih lai a pe chu a lawm hle tih a sawi a. Khawtlang mipuiten tangkai taka an hman ngei a beisei a. Motor chu damlo leh ruang phurhna tur ringawta hman tur a ni lo va, khawtlangin a tul apianga hman tur a ni a, a enkawl kawngah pawh uluk tak leh dimdawi taka enkawl turin a chah.