Aizawl: Union Minister of Law and Justice Arjun Ram Meghwal chuan nimin khan Tourist Lodge, Mamit-ah Mamit khawtlang hruaitute leh NGO te a kawm.
An inkawmnaah Union Minister Arjun Ram Meghwal chuan MHIP, YMA, MUP, VC leh MZP hruaitute chu kawmin an harsatna te a ngaihthlak sak a, sorkar laipuiin theih anga puih a tum thu sawiin mipuite harsatna sutkian chu sorkarin a tum ber a ni, a ti.
Union Minister hian NABARD hruaitute hmuin an hnathawh te a enpui bawk.
He hunah hian Suvigya S Chandra, District Bawrhsap leh Manny Bhushan Singh, SP Mamit te pawhin mipuiin harsatna an neih chu a rang lama bawhzui an tum thu sawiin, harsatna an neihah te office pan hreh lo turin an chah bawk.