Ruahtui tla tan mahse khawlum kan tuar leh thin a, hetiang hun hi mithiam zawkte sawi dan chuan hri leng tam hun zual lai, ei leh in fimkhur zual hun lai a ni.
Khawlum avangin puitling mai ni lo, naupang thlengin hri leng hian a bawhbuai duh a, damdawi in lam phei chu an lun thei hle.
Hetiang hi kan dinhmun a nih avangin mitinin ei leh in fimkhur ila, khawlum nisat laiin a theih hram chuan pawn chhuak tam lo ila, eitur thianghlim leh hrisel lam kan ei hram hram zel pawh a tul awm e.
Tui mamawhna a sang chho zel a, kan tui tlan ber lah kan duat bawk si lo. Ruah a surin a nu a, a nut dan lah hi nu nasa thei tak a ni zel bawk. Ruahtui a tlak lohin khamkhawp kan hmu lo thuai zel bawk si, inrenchem thlengin kan zir a ngai hle bawk.
Kan hma hun kan hre lo a, mitinin ei leh in fimkhurin, ei tur thianghlim leh tui thianghlim in hram hram tum ila, tui ren dan tawk kan thiam chhoh zel pawh a tul awm e.
Khua a ro zual tak tak phei chuan kangmei a chhuak awlsam bik a, kangmei chhuak thei laka kan him theih nan kan chetvelna kan enfel that a, kangmei chhuak thei laka kan fimkhur fo pawh a tul viau.
Hriat tawh hnu hi inhrilh thar leh thin ila, mitinte kan hun tawn milin i fimkhur chho deuh deuh zel ang u.