Mizorama rice mill hmasa ber, Kolasib district, Pangbalkawn-a Om Om Modern Rice Mill chu Argriculture Minister C Lalrinsanga’n nimin khan a hawng a, darkar khata buhhum metric ton nga her thei a ni.
Kum 2016-17 khan Mizoram sorkar hnuaiah NEDP kaltlangin modern rice mill bunna tur hian Rs nuai 80 pek chhuah a ni a, transformer bun nan hian SEDP sum a\angin Rs nuai 33.61 pek leh a ni a, heng bakah hian Mizoram Rural Bank hnuaiah loan Rs. Nuai 445 hman a ni a, a neitute hian anmahni sum Rs. Nuai 132 an seng tawh bawk a ni.
Om Om Modern Rice Mill hi darkar khata buhhum metric ton nga her thei leh kum khatah buhfai quintal nuai hnih chuang her chhuak thei tura ruahman a ni.
Rice mill hawngtu, Argriculture Minister C Lalrinsanga chuan Kolasib district chhunga leilet leh huan awmte chu ram pawn mi ni lovin a ram neitu dik takten \angkai taka an hmana a hlawkna pawh a ram neitute ngeiin an tel theih nan hma an lak zel thu a sawi.
Minister chuan hnianghnar taka thlai thar chhuah a nih theih nan Irrigation & Water Resources Department kaltlangin hmun eng emaw zatah solar water pump bun tum a nih thu sawiin, “Hei hian thlaia intodelhna kawngah nasa takin thlai chingtute a puih ka ring,” a ti.
Dan mumal tak hnuaiah a huhoin lo neitu intelkhawm kaltlangin hlawk zawk leh \hahnem zawka buh leh thlai thar kalpui tum a nih thu sawi bawkin, tunlai thiamna hman tangkai zel tum a nih thu leh buh chi tha RCM-10 pawh hlawhtling tak a enchhinna kalpui a nih tawh thu a sawi.
Supply Minister K.Lalrinliana pawhin thu sawiin, “Buh chinna hmun tha kan neih ang angte chu \angkai tak a hman a \ul,” a ti a, lo neitute hlawk zawk nan sangha khawi nen a kalpui dan enchhin mek a nih thu a sawi a; Om Om Modern Rice Mill hlawhtlinna chu lo neitute leh kuthnathawktute kutah thui tak a innghah thu a sawi bawk.