Aizawl: Electoral Roll Special Intensive Revision (SIR) kalpui mek atanga a lan danin Mizoramah vote nei mi 8,28,877 awmin kum 2025-a vote nei aiin 5.28%-in a tlem zawk.
Election Commission of India (ECI)-in a ruahman angin uluk leh zuala roll endikna leh inziah luhna, SIR hi uluk taka kalpui a ni a. Mizoram hi SIR phase III kalpui state leh UT zinga digitalisation 100% zo hmasa ber a ni.
SIR report hnuhnung bera a lan danin roll awm sa atangin 21,290 chu thi tawh an ni a, mi 8,352 chu chhui zui theih loh leh biakpawh theih lovin an awm a ni.
Mizoram State Election Commission hotute chuan roll-a awm sa zinga 13,992-te chu hmun danga insawn nghet tawhte an ni a. Sakhuana thil leh chhan hrang hrang avanga inziak lut duh lo hi mi 312 an awm bawk.