Aizawl: Aizawl Sahuana keipui (Bengal tiger) hliam chu Forest Department, Wildlife Institute of India leh State Veterinary Department-a mi thiam thawkhovin an enkawl.
Sahuan sakei nu kum kuaa upa, Adyasha hi range officer leh biologist-ten an enfiah hnuah a mei chung zawnah pawisa thir tiat velin a hliam tih hmuh a ni a. A kawlh avangin a hliam en chiang tur hian Mizoram Vety dept-a mi thiamte leh Sahuan Veterinary Field Assistant (VFA) pun an ni a, a lung nasa hle tih hmuh a nih hnuah eng anga thuk nge hre turin Selesih vety college-a kah mutna hmanga kah mut a ni a, Ningani khan a lungte hi an tifai.
Aizawl Zoological Park-in Wildlife Institute of India puihna an dil hnuah an mi tirh wildlife doctor pahnih – Dr. Lallianpuii Kawlni, Scientist D leh Dr. Sanath Krishna Muliya, Scientist C kaihhruaina hnuaiah Ningani khan minute 45 chhungin enkawl ngai awm ang angte hlawhtling takin an zo fel a ni.
Aizawl Zoological Park-ah hian ramsa 315 awm mekin Bengal Tiger pathum, a nu pahnih leh a pa pakhat a awm a. Sakei nu hliam an enkawl hi kum 9-a upa niin Nandankanan Zoological Park, Odisha atangin kum 2023 khan Mizoramah lak luh a ni.