Taxi hmanga eizawngte leh Mizoram sorkar thu a la inhmu lo tluang zel a, Mizoram sorkar in MizoTaxi app hman ngei an tum thu sawiin, an thutlukna kaltlangpui ngei an tum thu an sawi.
Hetih lai hian taxi hmanga eizawng pawl hrang hrang chuan an la tlin rih loh thu leh la hman rih loh an duh thung a, sorkar chu an duh dante zahsak turin an la ngen rih thung.
An buaina hi engtin zel nge a kal ang tih a hriat loh a, sorkar in taxi neitute chu apps hmang vek tur leh inziaklut tura nawrin, an inziahluh that loh chuan permit thar pekchhuah thlengin a vau mek bawk.
Buaina hi a la awm chho reng dawn niin a lang a, sorkar hi tawlh an tum lo niin a lang a, taxi pawl hrang hrangte pawh an dinna ngaia an ding tlang a nihchuan an boruak hi sang tak thleng thei a ni.
Engpawhnise, a pawimawh ber chu mipuite tana thawk ve ve an ni tih an inhriat a, sorkar leh taxi hmanga eizawngte inrem theihna hi a ni. Sorkar hian permit thar pechhuak teuh ta se, a buai tur chu mipui kan ni. Kan kawngpui a chep zual ang a, tunah pawh harsatna kan tawk tan tawh a ni a, lirthei titam zawng ni lova ke pen dan an ngaihtuah pawh a tul hle ang.