Aizawl: Delhi-a Aam Aadmi Party (AAP) sorkar laia Delhi Jal Board (DJB)-a eirukna leh tender chhuah dan dik lo thubuaiah Delhi Police Anti-Corruption Branch (ACB) chuan tun hnai khan mi paruk an man a, an man zingah tuna Mizoram DP&AR Secretary ni lai Udit Prakash Rai a tel.
ACB-in thuchhuah an siam danin, sewage treatment plant (STP) siamna tur tender-ah contractor eng emaw bikte duhsak taka tender conditions an tihdanglamsak avangin hma an lak phah a ni. Chhui chianna atanga a lan danin, DJB CEO hlui, Rai hian amah leh a chhungte bank account kaltlangin thamna sum Rs vbc 1.52 a lo la a, he sum hi immovable property (bungraw khawih chet theih loh) leina atan a hmang ta a ni.
ACB-in heng eiruk thubuai chungchanga mi an mante hi Delhi Water Minister hlui Satyendar Jain leh Delhi Jal Board CEO hlui Udit Prakash Rai bakah DJB contractual consultant hlui Ankit Srivastava, M/s AN Enterprises neitu Nagendra Yadav, Euroteck Environment Pvt Ltd. neitu Raja Kumar Kurra, leh M/s Srijanhar neitu Pankaj Verma-te an ni.