Jonas Brothers te chuan North American lama an tour neih tur chu puangin, an fans te lo inring turin an hriattir.
‘Burning Up Tour’ chhunzawmna tur hi August 20 atangin an tan dawn a, anmahni pawh an phur tawh thu sawiin, tun tum an tour-ah hian special guest atan Magnus Ferrell, Franklin Jonas leh All Time Low te an hmang dawn bawk.
August 20, 21 leh 22 hian New York-a Madison Square Garden-ah tour khuhhawnna hi an nei dawn a, hemi hnu hian chawl leh deuhin, September 25-ah Boston lamah an chhunzawm leh dawn a, an ruahmanna anga an kal thei a nih chuan December 21-ah Newark, New Jersey-ah a tawp an khar ang.
An fans te chu anmahni tawiawm a, an hun chhinchhiahtlak tak hmanpui turin an sawm a, mipuiin an ngaihhlutsak em avanga tour pawh hi chhunzawm leh tur an nih thu an sawi bawk.