Fur khua a ni a, boruak a inthlak thut thut a, hri leng hrang hrang a tam duh hle. Mitin kan fimkhur thar pawh a tul awm e.
Tun lai hian influenza an tih mai hri leng a awm a, naupang tam takin kaiin, a then chuan khawsik sang tak tak an nei tel thin.
Damdawi lam thiamte chuan hlauhawm ni lo mahse fimkhur a tul thu an sawi a, covid hri len laia mitinin fimkhurna hmanrua kan hman thin, mask vuah, kutsil fai,etc. te kha a pawimawh thu an sawi.
He hri leng avang hian school naupang tam tak zirna in kai thei lovin an awm a, kum upa zawk leh naupangteah a darh chak hle niin sawi a ni bawk.
Mitin fimkhur thar lehzual ila, kan tu leh fate pawn chhuahpui tam lovin, zirna inah pawh hritlang deuh hlekte chu mask vuahtir that ni thei se la, inkai awlsam tak a nih avangin ruahsur thlengin do tir loh hram hram i tum ang u.
Natna hian khawsik a keng tel a, thenkhat chu aw chhuak thei lo khawpa hritlang pikte pawh awm theih a nih avangin naupang leh kum upa zawk neite phei chu fimkhur lehzual ila, influenza tia an sawi mai hi do hneh turin tan i la tlang leh sauh sauh teh ang u.