Aizawl: CID (SB) Operation Team chuan an thudawn bawhzuiin Nilaini zan dar 7:45 khan Falkland Veng, Aizawl-a Heritage Lounge bulah Methamphetamine kg 6.680 zeta rit, Rs 5,34,40,000 hu nia chhut an man.
He ruihhlo manna kaihhnawihah a neitu nia puh, Lalrinsanga (31), s/o Lalropara, Bungzung, Champhai District chu an man nghal a. Amah leh ruihhlo an mante hi Special Narcotics Police Station-ah hlan nghal niin, Special Narcotics PS Case No. 27/2026 dt 19.08.2026 u/s 22(c)/25 ND&PS Act, 1985 hnuaiah thubuai ziah luh a ni.
Ruihhlo neitua puh hi nimin vek khan court-ah hruai a ni.