Aizawl: Commerce, Industries, Geology & Mining Department (CIG&M) buatsaih, August ni 7, 2026 atanga Millennium Centre Rooftop-a ni 14 chhung neih ‘Mizo Handloom Conclave’ chu Ningani khan khar a ni.
National Handloom Day puala buatsaih he exhibition chhung hian mi 75,000 vel bawrin an tlawh nia chhut a ni a. Ni 14 chhung hian Mizoram puantahtute thil phochhuah atangin Rs vbc 1.3 bawr vel hralh chhuah a ni.
Sorkar laipui ruahmanna anga National Handloom Day puala Mizorama buatsaih hi CIG&M Minister F. Rodingliana’n August 7, 2026 khan khuallian niin a hawng a ni.
Millennium Rooftop-ah hian stall 60 buatsaih niin, Mizoram hmun hrang hrang atanga puantahtute thil phochhuah a ni a. Kum dang aa la hmuh ngai loh, hnam bil pual stall pathum buatsaihin Chakma, Lai leh Mara District Council atangte pawhin an hnam thil chi hrang hrang an phochhuak a ni.