Dakota Johnson leh Role Model te chu kum khat em pawh an inzui hmain an inkar an titawp leh ta nia sawi an ni a, an inkar hi a fuh zui meuh lo niin a lang.
An pahnih hian nikum December thla khan vantlang hmaa an inlan hmasa ber hmuh an ni a, ni leh ni lo inkar anga an awm ren rawn hnuah then zai an inrel fel ta nge nge niin a lang.
Thulakna thenkhat chuan an inkar hi a tluang lem lo hle niin an sawi a, an inthen tih sawichian a nih hma pawh hian an inbe tha viau tawh lo niin an sawi a ni.
Role Model a hming Tucker Pillsbury hi kum 29 ni tawhin, zai lamah a hming a chher a, Dakota Johnson leh kum 36 mi ni tawhin, lemchan lamah a hming a chher chho viau a, an kalna line lamah an buai dun em avangin an inkar hi a tha tak tak thei lo nia sawi an ni bawk.
Dakota hi a hmain Coldplay zaipu Chris Martin nen October 2017 atanga June 2025 chhung khan ni leh ni lo inkara awm chungin, an lo inkawp tawh a, hemi hnua hian Role Model nen hian an inzui leh a ni.
Pillsbury pawh hi kum 2020 atanga 2023 thleng khan social media influencer Emma Chamberlain nen an lo inzui ve tawh bawk.
Johnson leh Pillsbury hian thawhdunna album nei hmanin, Pillsbury hla pakhatah model in a lo inlan tawh a, hemi bak hi chu an chanchin hi a tha lutuk zui lo ni berin a lang.