ZPM Gen. Hqrs. hruaitu thar tur chu thlang lovin Val Upa Council (VUC)-in a ruat dawn.
Nilaini chawhma khan Vana Pa Hall, Aizawlah ZPM General Headquarters Executive Committee Meeting vawi 8-na neih a ni a, he meeting-ah hian tuna elected office bearer (EOB) ni laite term a tawp tak avangin hruaitu thar turte chu inthlang lovin a ruata ruat nise tiin an pawm.
Term thara ZPM General Headquarters EOB thar tur ruat mawhphurhna hi VUC kuta dah tura rawtna chu Executive Committee meeting hian a pawm a, EOB thar hi ruat turin VUC-te hian phungbawm sawm se tiin rem an ti bawk.
July 16, 2026-a ZPM Danpui amendment chuan ZPM Gen. Hqrs. EOB atan hian president, senior vice-president, vice-president leh treasurer pakhat theuh an ni ang tiin a lo pawm tawh a ni.
ZPM president mawhphurhna latu, VL Zaithanzama chuan hruaitu thlan hun hi kumin September thla a nih tur thu a lo sawi tawh bawk a, chief minister leh minister-te tan party president emaw, EOB emaw a nih theih loh thu a sawi bawk.
ZPM hian September 29, 2026 khian R. Dengthuama Hall, Mualpuiah Mizoram pum huap General Assembly nei turin ruahmanna an siam tawh bawk a ni.