Aizawl: Mizo National Youth Front (MNYF) Headquarters chuan MNF sorkar kal ta puihna hnuaia Aizawl East I bial chhunga hmasawnna hna hrang hrang thawh tawhte a hmunah kalin an endik a, heng hmasawnna hnate mipui hnena tar lang tur hian ‘Operation Servant of God’ an tan a ni.
He hmalakna hi Zirtawpni khan MNYF Vice President Lalnunmawia Pautu hova neih niin, Aizawl East I Block hruaituten an tawiawm a ni.
MNF Thalaite hian a hmunah kalin Zuangtui Badminton Centre, Zemabawk M Hall leh Aizawl bypass road (Eastern Side) te an endik a. Kum 2018-a MNF sorkarna an chan tirha Chief Minster Zoramthanga leh a hoten hmasawnna hmun tur an kawk vel eptuten an lo nuihzat thin chu tunah hmasawnna hmuh tur a lo awm tak avangin lawmawm an ti a ni.
MNYF chuan he programme hi bial dangah te pawh chhunzawm zelin, MNF sorkar hmalaknate mipui hnena puanzar zel an tum thu an sawi bawk.