Katie Holmes chuan a kawppui Jason Brad Yarmosky nen an inkungkaihna a nghet tha tawh hle nia sawiin, an pahnih hian Instagram lamah pawh official taka account intawm an neih thu a sawi.
Kum 47 mi chuan September 1 khan a kawppui hi a piancham pualin duhsakna thu thlum tak tak a hlan a, an inkungkaihna hi a nghet tha hle tawh niin a lang a ni.
A thlalak thenkhatah chuan a bialpa nen hian dawhkan kil dunin, eitur tuihnai chitin reng nen piancham lawmna hi an nei a, an hlim dun hle tih a lang bawk.
An pahnih hian July 10 khan New York lamah inhaw lo taka inkaiin, vantlang zinga hmuh dun hmasak ber an ni a, hemi hnu hi chuan hnungtawlh lovin, hmalam panin an inzui nghet chho ta zel a ni.
Holmes-i kawppui hi fashion designer niin, August 20 pawh khan Michael Kors Collection kum 45 tlin lawmnaah hmuh dun an lo ni tawh bawk.