Aizawl khawpui a chep a, lirthei a pung zel a, hetih lai hian a dahna tur lam duh angin a tam thei chuang lo a, kan buaina bul ni pawhin a lang ta.
Veng hrang hrangah zirna in a awm a, mitin nghawng, chhungkaw tin nghawng a nih miau avangin school kai ni chuan kal lam leh haw lamin lirthei a lun thei cher cher hle.
In drop leh pick-up, nghah a ngai a nih chuan minute nga aia rei hi an ding lo tlangpui a, heti a ni chung hian hrereng chunga pawisak nei lo, lirthei ke hnih nei pawh ngaihhnathiam duh lo veng chhung hotute zingah an awm thin niin a lang a, hei hi a fuh lovin, sum lama pachhiat avanga sum duh chan chang an ang thei tih hriatreng a tha khawp mai.
Local Council te hian veng tinah pawimawhna neiin, vengchhung inrelbawlna kawngah hma an la nasa hle a, an fakawm bawk. Tha tak tak leh khawtlang mai ni lo, veng dang atanga an veng pantute thlenga dawl leh dawm thiam an awm tawh lai hian inla ‘strick’ fal, ngaihhnathiamna nei lem lo an awm thin hi a pawi a, inenfiah thei thin se a duhawm hle.
Sawi tak ang khan zirna in nei vengah phei chuan zirna in kai ni chuan kal lam leh haw lam inlam hun chhung tal hi hriatthiam theih ni se la, nu leh pa tam tak buaina a tlin tawh avangin vengchhung hotute pawhin ruahmanna tha zawk siampui thei thin se a va tha em.
Mipui lawmna hi hote, lungawi lehna pawh hote a nih avangin that leh that inlawm tawnin, midangte harsatna siamtu nih i tum lo tlang zel ang u.