Aizawl: MNF Independence puan Diamond Jubilee Celebration Committee Chairman Dr. R.Lalthangliana, MLA hovin zalenna sang ber neih hi Mizote chanvo a nih thu te, Mizo hnam sipai lo ni tawh zawng zawng political party hrang hranga awm tawhte pawh MNF-ah haw runpui siam bakah MNF party tana hmachhawp hrang hrangte an rel ho a ni.
MNF Hnam Runa President Chamber-a Thawhlehnia thutkhawmah hian Dr R Lalthangliana chuan, MNF kum 60 tlin lawmna hi tunah an a la kal mek zel a, a hawnna programme ropui takin neih a lo ni tawh a, souvenir-te pawh tlangzarh a ni tawh bawk, thla 6/7 vel hnuah chuan a kharna hun pui neih tuma ruahmanna siam mek a nih thu a sawi.
MNF Senior Vice President Dr. R.Lalthangliana chuan MNF-ah chuan Mizo zawng zawng an len vek thu te, Mizorama political party upa ber leh hlun ber, vawi khat mah hming la thlak ve ngai lo a nih thu a sawi a, kum 2028 inthlanpui lo awm turah Pathian leh mipui zara hnehna chang ngei turin nasa taka an inbuatsaih mek thu a sawi bawk.
He hunah hian Independence puan Diamond Jubilee Celebration Committee Vice Chairman Lalruatkima leh member dangten thu an sawi bawk.