Aizawl: Zoram mipuite thlamuanna tur sorkar ngelnghet leh huaisen din tura an inbuatsaih thu MNF General Headquarters Treasurer Lalruatkima chuan a sawi.
Ningania Sihphir Venghlun Branch YMA Hall-a Aizawl East I Block MNF-te Party Block tlawhchhuah programme-a a thusawinaah Lalruatkima chuan ram leh hnam chu MNF-te kutah a awm tih hriaa mawh inphurhtira sorkarna chang leh ngei tura hma an lak thu a sawi a. Thalaite duhzawng leh innghahna tlak sorkar din an tum thu sawiin, sorkarna siam turin kil tina party mite theihtawp chhuah a, phur taka hma lam pan a tul thu a sawi.
Lalruatkima chuan, mipui lawm zawng leh mitla zawng uar hi thil pawimawh tak a nih rualin, a taka thil tih leh a nihna ang taka thawh a pawimawh zawk thu a sawi a. Dawt sawi chu thil huatthlala a nih thu leh document nena fiah ngam thu chauh MNF chuan an sawi zel tur thu sawiin, Aizawl East I bial hmasawnna tam tak pawh an President Zoramthanga nen a inzawm tlat thu leh MNF tluka a taka thawk an awm lo tih a sawi.
Mikhual rilru pua ram kaihhruai leh mi dang tlawn chunga ram hruai chu ram hmelma an nih thu sawiin, tuna sorkar mek kalsana sorkar thar din thuai chu nghahhlelhawm a tih thu a sawi bawk.