Mipuiten kan la hmuh loh, an inneih laia an thlalak hrang hrang nen Lana Del Rey leh a pasal Jeremy Dufrene te chuan an inneih kum hnihna an lawm.
September 26, inrinni khan zaithiam Lana Del Rey leh a pasal Jeremy Dufrene te chuan an inneih kum hnihna an lawm a, instagram lamah duhthawh taka lawmpuina inhlan tawnin, an inneih laia an thlalak hrang hrang an rawn tarlang bawk.
An inneih lai boruakah kha chuan mipui hmuh theihin an thlalakte an dahchhuak meuh lo a, tin sawm bik mi tlemte hmaa innei an nih avangin khawvelin an thlalakte kan hmu meuh lo. Hetih lai hian kum hnih an inneihna a thlen meuh erawh chuan heng an thlalak up beh tam tak hi rawn phawrhchhuakin, an mawi dun hle.
Del Rey chuan a pasal chu a thiltih apiang thlawptu, a awmna apianga theihtawpa tanpui inpeih a nih avangin a chunga a lawmthu a sawi a, a tana awm reng turin a chah bawk.
A pasal Dufrene pawhin a nupui chu hmeichhe hmeltha ber, a hmangaih tawp theih loh a nih thu hmangin duhsakna a hlan bawk a ni.
Lana Del Rey leh Jeremy Dufrene te hi kum 2024 September 26 khan Louisiana-ah an innei a ni.