Season 9 chhung hlawhtling taka talk show a buatsaih hnuah Karan Johar chuan a show hlawhtling tak Koffee With Karan chu tihtawp a ni dawn tih a puang.
Nilaini khan Karan hian a show thlahna leh tihtawp a nih tur thu puanna promo video hi tichhuakin, kumin a season 9-na chu a tawpna ber a nih tur thu hi a sawi a ni.
Kum 2004 khan Koffee With Karan show hmasa ber hi tan niin, hemi tum hian Karan-a pa Yash Johar chu a inlan a, a fapa nen hian hun hmang dunin, mipui thlir a hlawh nghal hle.
Season 9-na hi October 14 atangin JioHotstar-ah tihchhuah tan a ni dawn a, Karan chuan a tan chuan hun leh show chhinchhiahtlak bik tak a nih tur thu hi a sawi.
Koffee With Karan hian thil tam tak min hriattir a, tawnhriat tam tak min neihtir bawk a, tihtawp tuma thutlukna siam hi thil awlsam a ni hauh lo, chhungrilah hian min la vit ngut ngutin ka hria, a ti.
Mahse, ka tan chhunzawm reng a harsa tawh a, hna tam takin min hmuak ve bawk nen, a tawp nan Coffee in dun turin lokal la, min lo thlir la, Koffee With Karan tawpnaah hian lo inrawlh ve ngei tum hram ang che, tiin ngenna a tichhuak tel bawk.
Karan Johar hi hindi movie hmuhnawm leh hlawhtling tak tak siamtu niin, film siam lamah pawh a ber ni pha a ni a, a show titawp mahse film siam lam chawlhsan tumna erawh a la neih loh thu a sawi.