Hnampui kan tih thinte nge nge hi chu an boruak tawn leh an chim chin hi a lo sang deuh a, an puitlinzia pawh an tilang leh mai thin bawk.
A kawppui then tak chungchang an zawhna chu Ben Affleck chuan tha taka chhangin, ani hnen atanga thil tam tak a zirchhuah thu a sawi a, tawitea sawi fel theih pawh a nih loh thu a sawi.
Kum 54 mi Affleck hi kar liamta khan Podcast pakhatah inlanin, hetah hian zawhna hrang hrang zawh a ni a, chuta bengverh berte zinga mi chu a kawppui hlui chungchang zawhna niin, ani chuan tha taka chhangin, a rilru hnehtu a nih fo thin thu a sawi tel bawk.
Kum 57 mi a kawppui hlui Jennifer Lopez chu hnathawh dan tur ruahmanna fel tak nei thin, mi hriatthiamna ngah tak a ni, a ti a. Engkim a koa tla chu hlawhtling tura bei mi a ni a, tawi tea sawifiah theih a ni lo, a ti.
Ziah tawh thin angin Lopez leh Affleck te hi kum 2000 chho atang khan inkawp tanin, kum 2004 khan an inhualna an titawp a, hemi hnu hian midang nei leh ve ve in, an kawppuite an then leh ve ve hnuah July 2022 khan an innei a, mahse August 2024 khan inthenna lehkha thehlut dunin, January 2025 khan an inthenna hi tihfel a ni leh ta a ni.