Title fight-a tum hnih a tlawm hnuah Champhai dinthar tlangval, Vanlalenkawltira’n a tum a hlen ta a, a vawi thumnaah LPS Pro Fight Flyweight kawnghren a hnek chhuak a. Hetih lai hian kawnghren kawl lai zingah Lalkhawngaiha chauhvin a himhim thei.
Zirtawpni zana LPS Arena, Aizawla Mizoram Labour Link LPS Pro Fight 2026 flyweight title fight-ah Khawngaiha hian unanimous decision (39-37, 39-37, 39-37) hmangin kawnghren kawl lai, Lalrinngheta, Tuipui a hneh.
Title Fight-a a inlan zawn vawi thumnaah kawng hran a lak takah hian Enkawla hi Pro Fight vawi 12 neih tawhah lightfly/fly-a champion thei mi hrang pasarihna a ni nghal a. Kum 23 mi hian kum 2023 khan NT Lalbiakkima a hneh lo va, 2024-ah Lalrinngheta lakah tlawm lehin kum hnih hnuah a chhang let a, phu takin Tuipui boxer lakah chakin a vawi khat nan a champion.
Kum 24 mi, Rinngheta’n vawi thum champion a tumna a tihlawhtling zo lo va, weight hrang pahnihah champion tawhin fly title a lak hmain kum 2022 khan bantam-ah a champion tawh bawk a ni.
Lightweight-ah Venghlui tlangval, Khawngaiha’n unanimous decision (39-38, 39-38, 39-37) hmanga Chhiahtlang fighter Lalruatmawia hnehin a kawnghren a hum.
Mipui thawm bengcheng leh ring tak karah fim takin Khawngaiha’n a khel tluan a, tharum leh thahrui a nei that avanga lehlam nawr hneh thin, Ruatmawia thatna dan behsakin fuh leh chiang takin a lo hnek a, inhnek tawnah a kut a dik bawk.
Khawngaiha hi Title Fight-a inlan champion lai pathum zingah kawnghren kawl zui thei awm chhun a ni a, kum 2024 semifinal aia chiangin boruak nei lian, Ruatmawia lakah a chak a, lightweight huanga vawi khat aia tam champion thei – Lalmuanpuia, Anthony Lalduhawma leh Lalrinawma te sulhnu a chhui ta a ni.
A zawna a champion bakah mi mal chawimawina hlu ber, Haier Best Boxer-a thlan a ni a, Orient Goldsmith Fighter of the Night lawmman a dawng tel bawk.
Zan 28-na – Oct. 16, 2026 (Zirtawpni)
PRO FIGHT
Title Fight Result
FLYWEIGHT
Vanlalenkawltira (Champhai Dinthar) def Lalrinngheta (Tuipui) = Unanimous Decision (39-37, 39-37, 39-37)
LIGHTWEIGHT
Lalkhawngaiha (Venghlui) def Lalruatmawia (Chhiahtlang) = Unanimous Decision (39-38, 39-38, 39-37)
WELTERWEIGHT
Lalnunzira (Haulawng) def HC Lalramfela (Venghlui) = Split Decision (38-39, 40-36, 39-37)
MIDDLEWEIGHT
Samuel Zadeng (Bawngkawn West) def F Lalthanliana Junior (Electric Veng, Lunglei) = Unanimous Decision (39-37, 40-36, 39-37)
BANTAMWEIGHT
L Joseph Buihringpachha (College Vaih, Siaha) def Lalrambuatsaiha (Ramthar North) = Unanimous Decision (39-36, 38-37, 39-36)
Orient Goldsmith Fighter of the Night
- Lalkhawngaiha (Venghlui)
MI MAL CHAWIMAWINA :
Haier Best Boxer : Trophy + Haier Washing Machine kg 7
- Lalkhawngaiha (Venghlui)
Haier Best Challenger : Trophy + Rs 10,000 - HC Lalramfela (Venghlui)
Haier Promising Boxer : Trophy + Rs 10,000 - L Joseph Buihringpachha (College Vaih, Siaha)
Haier Best Referee : Trophy + Rs 7,500 - Goerge Lalsangzela (Bawngkawn South)
Haier Best Judge : Trophy + Rs 7,500 - Chawnghmingmuana (Venghlun, Lunglei)