Paris Saint-Germain in French record dinglai an tluk a. Inrinni zana RC Lens nen 1-1 a inhnehtawkin Ligue 1-ah an champion.
Inrinni zana Parc des Princes a inkhelah PSG tan Lionel Messi-a goal khung chu point khat hmuh nan a tawk a. Champion tura vawikhat tlawm loh bak an mamawh loh avangin an tum an hlen.
Lens tan Corentin Jean chuan huntawp dawnah an si phurh a sut.
Mauricio Pochettino hnuaiah PSG hian league title la mahse UEFA Champions League atanga round of 16 an pelh theih loh avangin Argentine coach hmalam hun chungchang hi a la chiang lo.
Lens laka an inkhelah pawh hian PSG hi champion mahse inkhelh laiin an fans lungawi lo an tam a. An star player-te au el in an champion chian hma in stadium chhuahsan an tam hman hle.