China chuan Pakistan ram chhunga a mite pathum thah an ni chu a dem thusawiin Islamabad pawh a titute bei let turin a phut.
Chinese tutor pathum leh Pakistani driver-te chu Thawhlehni khan Karachi University-a Confucius Institute bulah thihchilh bomb hmanga thah an ni.
Inlak hran tum pawl, Baloch Liberation Army (BLA) chuan an tihah an chhal.
Chawlhkar reilo te liam hnua politics chiri takin a chim hnuah hetiang an tawng leh hi an tan hmachhawn tur thar a ni.
An thian tha, China hian Pakistan-ah hian hmasawnna ruhrel lian a din nasa hle a; mahse, Pakistan-a khap mek, BLA chuan an rama Chinese inrawlhna chu an duh lo va, tual chhung miten hlawkna an nei lo niin an sawi.
Confucius Institutes pawh hi China-in khawvel hmun hrang hranga an inzar pharhna pakhat a ni.
“China chuan hetiang firfiakte chetna liantham tak thleng hi a dem tak zet a ni,” tiin Chinese foreign ministry-a deputy director Zhao Lijian chuan Nilaini khan Twitter-ah a tar lang.
Pakistani thuneitute chu thil thleng chu umzui thuai tur leh he thil thlenga inhnamhnawih firfiak pawlte pawh ching fel turin a nawr nghal bawk.
Pakistan thuneitute pawhin China a dawr reng.
Prime minister thar, Shahbaz Sharif-a chuan Thawhlehni khan Islamabad-a Chinese embassy pawh tlawh nghalin thil thleng zen zen lo ang takin a kutziak ngeiin a sorkar chuan Pakistan leilunga hel leh mi firfiakte chhu chimit vek turin a intiam.
“A titute hi kan chhui chhuah hma chu kan chawl dawn lo va, hremna na tak kan pe ang,” a ti.