ZPM \halai president Malsawmzuala Ralte-in MNF hruaitute chu a hma zawnga engmah sawi si lova, tuna Tuirial bial mipuite hmangaih thar thutah a puh a. Serchhip bye-election dawna mipuia an intiamna te pawh an hre zui tawh lo niin a sawi.
Tuirial biala inthlan lo awm tur atana ZPM \halaiin street campaign an kalpui mekah nimin khan he thu hi ZPM \halai president chuan a sawi a. Party awn lam neih luat avanga ruh tlat, candidate te engang mi nge an nih hlawm tih pawh ngaihtuah lova mahni ruhna lama ruh tlatna chu kalsan a hun tawh hle thu a sawi.
ZPM \halai president chuan “Kan thlir tawi ang bawka thlir tawi ram hruaitu neih phu tawk lekin khawsa tawh lo ang u”, a ti a. Mipuite chu politics-a kal fuhlohna tireh theitu an ni mek tih sawiin, Malsawmzuala chuan thawhrimna tello sum chu ho taka a luan ral leh mai \hin thu leh tun thlenga Mizoram hnufual chhan pawh ram hruaitute mawh a nih rualin, ram hruaitu dinhmuna hlângkâi theitu mipuite pawhin mawh an phurh ve thu a sawi.
Tuirial bial mipuite chu an ban phak maia awlsam taka dawr theiha awm tur, MLA hlawh leh ham\hatna dang zawng zawng pawh bial mipuite tana hman vek tum ZPM candidate Laltlanmawia vote \heuh turin ZPM \halai president chuan a sawm bawk.