Thlasik hmachhawn tan ang

HMEICHHE HUANG
Thlasik hmachhawn tan ang

Thla a sik ta a, boruak pawh a vawt leh tan var tawh mai. Zo khaw hmun sang deuh ah phei chuan vun a roin hmui a rep leh tan dawn tawh a, chutiang thlasik laia natna tlanglawn hritlang pawh a tam leh tan ang. Heng thlasik laia min ti buai thin te lak atanga i him theih nan Times Of India health tips hi kan rawn chhawp chhuak e.

Vun enkawl dan
1.Body lotion ni tin tha takin hmang thin la, a bikin inbual zawh veleh in hnawih thin ang che. Hei hian i vun khawro tur a veng thei ang.

  1. Thlasik khaw vawt tak maiah tui lum sa ver vawra inbual a nuam thin, mahse, chu chu pumpelh hram hram ang che. Tui lum sa lutuka inbual hian vun a tichhe zawk tlat. Tui vawtin inbual thei la a tha ber a, chu chu i thei ngang lo a nih pawhin tui lum pep pep chauh hmang la, inbuai zawhah a hruka inhru tawk tawk lovin towel-in a deh deh-in in dep hul ang che.
  2. Thlasik laia mi tibuaitu ber pakhat chu hmui rep hi a ni. I hmui liak huh lo la, lip balm (SPF 15 tal ni thei se) hmang ang che.
  3. Thlasik laiin nilum ai a nuam thin, mahse, chu chu kan vunin a ngeih hauh lo. Chuvangin, thlasik ni sa hnuaia i chhuah hma minute 15 velah i taksa lang thei laiah khan sunscreen hnawih thin ang che.
  4. Ke khi pawh hi a buaithlak duh khawp mai. I ke chu tui lumah minute 15 vel chiah la, nawhlungin nawt la, i tihfai leh hnuah cream hnawih ang che. Hetianga regular taka i tih chuan i ke khi a reh thei ang.
  5. Kut chât te pawh buaina pakhat a tling. I kut vun kha i taksa hmun danga vun aiin a pan zawk a, zan mut hmain cream hnawih thin la, nisa hnuaia i chhuah dawnin kut kawr bun te pawh a tha.

Sam enkawl dan

  1. I lu i suk hma darkar khat vel-ah i lu vun te chu hnawih mawm thin la (zan mutnaa hnawih mawm pawh a tha). I lu lei bakah i sam hmawr thlengin hnawih mawm la, chu chuan sam hmawr kak tur a veng thei.
  2. Conditioner hian samah hnawnna a pa a, i lu a suk apiangin conditioner hmang ang che. Chu chuan sam a tinem thin.
  3. Thlasik lai chuan sam tihrona (dryer) hman loh tur a ni. Sam tihrona hman hian sam a tichhe lehzual a, a tiroin a tipheng duh.

4.Ni sa hnuaia i chhuah dawnin i sam chu khuh thei la a tha, scarf emaw lukhum emaw hmang mai la. Mahse, lukhum tight lutuk erawh a fuh lo, lu vuna thisen luang vel tur a tibuai thei tlat.

5.Thlasik lai hian sam a pheng duh lehzual a, samah hnawng (moisture) a tlem vang a ni thin.

Chuvangin lu suk zawhah live-in conditioner hmang la, a nih loh pawhin i sam i khawih dawnah hair spray hmang ang che. Samkhuih inkar zau deuh deuh hman a tha a, lu chu a huh laia khuih loh tur a ni.

  1. Shampoo-in i sama hnawnna awm kha a luanral tir theih avangin hman nasat lutuk loh a tha. Kar khatah shampoo chu tum thum aia tam hman loh a tha. Shampoo hman nasat hian sam leh lu vun a ti ro zual duh.

Thlasik natna enkawl dan

  1. Boruak a lo vawt a, hnaptui a awm duh hle. Hnap chu nasa vak lova regular taka hnit thin tur a ni. Eucalyptus hriak far hnih vel hnara thlawr a tha hle.
  2. Boruak a lo inthlak hian hritlang a tam duh hle a. Hritlang i kai ve a nih chuan tui lum sa ver vawrin inbual la, thil tuiril lum lampang in tam a tha. Chicken soup emaw sweet corn soup sa ver vawr in te pawh a tha.
  3. Hrawk thip pawh thlasik laia buaina pakhat a ni. Tui lum chialin i hrawk thuah thin la, tui lum in thin ang che.
  4. A vawt tih vanga exercise lak thulh tur a ni lo. I thlan tihtlak nan hun a duh rei deuh a ni mai thei, mahse, kar khatah ni 5 vel tal nitin minute 30 vel exercise lak theih a tha. Exercise i lak hian i taksa a ti lum a, taksain natna a do theihna a tichak a, hritlang laka mi a vengin hritlang kai palh pawhin a dam leh hma bik.
  5. A vawt tih vangin tui in tlem chuang suh. I tui n a hal lo a nih pawhin nipui laia tui i in ang bawkin thlasik lai pawhin i taksain a mamawh reng tih hria ang che.

Leave a Reply

Your email address will not be published. Required fields are marked *

error: Content is protected !!