Ni hnih awh tur Pangpar phochhuahna leh zawrhna ‘Champhai flower show & fair’ chu nimin khan Champhai bawrhsap Maria CT Zuali’n a hawng.
Horticulture department leh Champhai district florists association (CDFA) tangkawp buatsaih Champhai flower show & fair-ah hian stall 14 siam niin, pot flower-ah mi 21 in pot 49 an phochhuak a, house plant-ah mi 28 in pot 54 phochhuakin, flower arrangement-ah mi 14 in pot 22 an phochhuak a, Bonsai-ah mi 15 in pot 43 an phochhuah bakah pot, thlai chi, pangpar leitha, pangpar chi hrang hrangte leh a dangte zawrhchhuah a ni.