Lawngtlai district inthlan that ngaihna a final e-roll tlangzarh

Lai autonomous district council (LADC) huam chhunga village council pali leh Chakma autonomous district council (CADC) huam chhunga village council paruka bye-election buatsaih tura hman tur final electoral roll chu nimin khan Lawngtlai district election officer (DEO), Lawngtlai bawrhsap Dr Andrew H. Vanlaldika’n a tlangzarh.
LADC hnuaia Mualbu L, Darnamtlang, Lungpher South leh Vawmbuk-II VC-ah te general seat pakhat theuh hnawh khat turin bye-election buatsaih a ni dawn a. Final electoral roll-a a lan danin, Mualbu L-ah voter 250 (mipa 129; hmeichhia 121), Darnamtlangah voter 220 (mipa 114; hmeichhia 106), Lungpher South-ah voter 1094 (mipa 529; hmeichhia 565) leh Vawmbuk-II ah voter 270 (mipa 140; hmeichhia 130) an awm.
CADC hnuaia New Jognasury-I leh Samuksora VC-ah te general seat pakhat ve ve, Ajasora-II leh Parva-IV VC-ah te general seat panga ve ve leh reserved seat pakhat ve ve, Borapansury-II VC-ah general seat paruk leh reserved seat pakhat, Kamalanagar-V VC-ah general seat pahnih leh reserved seat pakhat hnawhkhat turin bye-election neih a ni dawn bawk a. Final electoral roll-a a lan danin, Borapansury II-ah voter 1168 (mipa 593; hmeichhia 575), Ajasora II-ah voter 380 (mipa 193; hmeichhia 187), New Jognasury I-ah voter 576 (mipa 280; hmeichhia 296), Samuksora-ah voter 147 (mipa 74; hmeichhia 73), Parva IV-ah voter 399 (mipa 215; hmeichhia 184) leh Kamalanagar V-ah voter 365 (mipa 170; hmeichhia 195) an awm bawk.
Lawngtlai bawrhsap Dr Andrew H Vanlaldika chuan bye-election neih tura hman tur draft electoral roll chu tun thla ni 12-a tlangzarh a nih thu sawiin, hun chep tak kara final roll felfai tak peihfel leh tlangzarh theih a ni chu lawmawm a tih thu sawiin, thawktute a fak bawk a ni.

Leave a Reply

Your email address will not be published. Required fields are marked *

error: Content is protected !!